【貔貅的N大錯誤觀念🚫】

現時網絡世界發達，隨手都可以搜索得到奉請貔貅的Dos & Don'ts，但可信性非常低，以下將會一一正視目前多人誤會的觀念和做法。⚠⚠⚠只適用於出自恩施堂的貔貅，第二度的貔貅絕不適用，我地亦未能解答，敬請見諒！
⠀
1/ 屬老虎唔請得貔貅？
答：屬虎當然可以奉請啦，貔貅就係自己的小朋友，只是佢地得到神力開光，有效力幫助招財同保護主人，如果屬老虎的唔養得貔貅，咁屬老虎的都唔可以生小朋友嗎？這不可能哦！我們呢邊的貔貅無生肖限制的。
⠀
2/ 貔貅唔放得睡房？
答：貔貅係自己的小朋友，當然可以放房裡，唔通你的小朋友唔可以入你間房嗎 ？貔貅除咗咬錢，最重要的是他非常擅長保護主人、保平安。
⠀
3/ 懷孕唔可以戴貔貅手鍊項鍊？
答：貔貅會保護主人，亦會保護BB，懷孕的媽媽更需要佩帶貔貅保平安。
⠀
4/ 貔貅唔可以畀人地摸？
答：當然可以摸，貔貅仲可以感應到摸她的人對你是善意定係惡意，但係就唔好摸到眼睛跟嘴巴，因為貔貅唔鍾意突然畀人摸眼同嘴，若然事前有講聲就OK。
⠀
5/ 女生經期時唔可以摸貔貅？
答：自己的貔貅當然可以摸，唔通會有媽咪經期時唔抱、唔理自己的小朋友嗎 ？ 但係自己經期時就唔好去摸人地的貔貅了，咁代表唔尊重，如果唔小心摸了亦唔洗緊張，只要同貔貅講返唔係特登就OK。
⠀
6/ 貔貅放房、行房時要用紅紙或紅布蓋住？
答：想像一下你自己無啦啦畀人用布蓋住，你會唔會嚇親、會唔會嬲做咩當自己係外人？所以如果行房，啱啱奉請返去的貔貅就似小朋友細個一樣唔知咩事，一段時間後佢地明左自然會閃開。（＊絕對絕對唔好用紅紙紅布蓋住、包起，咁係退效淨化，貔貅會失效）
⠀
7/ 貔貅只能養一對，多過一對會打架？
答：一個人賺錢比較快還是N咁多人幫你賺錢比較快？所以越多對貔貅，就代表越多人幫你賺錢，我地開光的貔貅，養多對擺埋一起絕對唔會打架，不用擔心。*但如果有其他出處的貔貅，建議要分開擺放*
⠀
8/ 貔貅要用香拜他？
答：開光的貔貅絕對唔可以用香拜，因為貔貅是自己的小朋友，他還存在沒有往生。用香拜的是神和逝者先人，千祈唔好用一支支的香！貔貅要的香是我地開光的檀香元寶香、倒流香，謝絕一支支的，檀香乃是財氣的代表，以前古代只有富戶人家先,可以負擔得起檀香的。
⠀
9/ 貔貅的頭唔可以面向自己，否則會咬主人的財？
答：跟上面都是同出一轍非常類似的問題，再次強調貔貅是自己的小朋友，除非你不同自己小朋友面對面囉，每日背對背嗎？
⠀
10/ 貔貅喝的水要用陰陽水？
答：所謂陰陽水就是半生半熟、半冷半熱，試問我地自己平時會唔會飲呢類陰陽水？又會唔會畀小朋友飲？恩施堂開光的貔貅都是正神獸，用神力開光，並非坊間用人力借鬼魂入神，所以用一般的飲用水就可以了。
⠀
11/ 唔搽油得唔得啊？
答：同水晶要叉電、淨化的原理同出一轍。貔貅隨時間耐咗，幫主人招財後，招財力會越來越低，貔貅的充電方式就係搽開光檀香精油，補充返流失咗的能量。如果冇搽油，貔貅會慢慢能力下降、最後變回無效的裝飾品。
⠀
12/ 可唔可以用水晶簇、紫晶洞取代檀香油嚟叉電？
答：唔可以。即使我地有部分貔貅係用水晶材料做，但要記住、記住、記住：貔貅就好似小朋友咁，你會唔會想小朋友瞓覺係瞓一張三尖八角的床？換轉係你都會唔舒服。貔貅的叉電方式只有：搽油、燒香、曬太陽，目前無容許第四個方法：）
⠀
13/ 我唔想燒香啊，好煩啊？
答：手鏈、頸鏈可以唔燒，只搽油。擺件，唔可以。燒香等於係貔貅的食糧，你有試過餓住肚皮做野嗎？精神會唔集中、體力下降，分分鐘跌咗錢都唔識執返。咁你又點能夠要求貔貅唔食飯、但幫你咬錢招財呢？手鏈頸鏈之所以唔洗燒香，係因為能量小，搽油就足夠補充體力，但擺件招財力、能量大好多倍，唔燒香係補充唔到。
⠀
———————————————————————
⠀
👆
其實縱觀咁多坊間說法，好多都係相似的，如果再有遇到新既疑問，歡迎大家查詢，亦都可以設身處地諗一諗，如果係自己身上咁做合理嗎，好多問題就可以迎刃而解😊祝大家同貔貅一齊努力、奮鬥，達到自己目標！

*** 如有意購買貔貅擺件或其他招財飾物 ***

*** 請FB留言或Inbox Message我們 ***

Facebook專頁：恩施堂香港貔貅館

網上商店：https://yansitong.store/